ကမ္ဘာကြီးက ခြောက်သွေ့ပြီး မီးလောင်ပြင်တစပဲ။

ကမ္ဘာကြီးက ခြောက်သွေ့ပြီး မီးလောင်ပြင်တစပဲ။
နောက်တော့ နည်းနည်း နေသားကျလာတယ်၊ စိမ်းစိမ်းလန်းလန်းမဟုတ်ပေမယ့်လည်း။

သူ့ကို တွေ့ရှိတယ် ဒီရွက်ကြွေတွေ တောမှာ တစ်ခုတည်းသော ရွက်သစ်လေးလို။ စမ်းရေတွေ ပြန်စီးစပြုလာတယ်၊ ငှက်တွေ ပြန်တေးဆိုကြတယ်၊ နေရောင်ခြည်နွေးနွေးကို ပြန်ရတယ်၊ လေနီကြမ်းတွေကနေ လေပြည်လေညှင်းတွေ အဖြစ် ပြောင်းသွားတယ်။ သစ်သီးတွေ ပိုချိုလာတယ်။ ဒီလိုလေးပဲ အေးအေးဆေးဆေးပဲ နေချင်လို့ လူငယ်လေးတစ်ယောက်ဟာ ဘုရားမှာ ဆုမတောင်းစဖူး ဆုတောင်းတယ်။ သူ့မှာ ရှိတဲ့ ဥာဏ်ပညာ၊ခွန်အား အကုန်ပေးပါ့မယ်၊ ဒီလိုလေးပဲ ဆက်ငြိမ်းချမ်းခွင့်ပေးပါပေါ့။ ဆုတောင်းပြည့်ခဲ့တယ် ထင်တယ်။

လျှောက်လာတဲ့ လမ်းတစ်လျှောက် တော်တော်ကြီးရောက်မှ ဗြုန်းဆို လက်တွဲဖြုတ်သွားခဲတဲ့ အခါ ဘုရားသခင်ဟာ ကြည့်နေရက်ခဲ့တယ်။ လမ်းတွေဟာ ပိုကြမ်းလာတယ်၊ လူငယ်လေးဟာ အဲဒီလက်လေးကို ဖမ်းဆွဲတယ်၊ အခိုးအငွေ့ကို ဖမ်းဆုပ်ရသလိုမျိုးပဲမို့ မမီပါဘူး။
သူကျန်ခဲ့တယ်၊ဒါမှ မဟုတ် သူနေခဲ့တယ်။ သူကျန်နေခဲ့ရပါတယ်။

တောပန်းတောင်ပန်းတွေ ပွင့်နေပေမယ့် ဆူးချုံပန်းခက်တွေ ငုံထားတယ်။ စမ်းရေမစီး၊ငှက်ကျေးသံတွေ မကြားရတော့ဘူး။ နေရောင်ဟာ တောင်ကွယ်ဆီ မေးတင်လာပြီ၊ ရွက်ကြွေတွေ ပြန့်ကြဲလို့။

နောက်ဆုံးအခြေအနေရောလို့ မေးရင် အပေါ်ဆုံးစာကြောင်းနဲ့တင် လုံလောက်ပါတယ်။

ရိုးလူ
16.1.2017
1:37pm